楊潤雄林世雄被免職

🤣高官犯太歲齊中招？楊潤雄林世雄被免職🔪

「昨日見到兩位高官楊潤雄及林世雄被免職！🤣後來我翻查咗下，原來佢哋喺2024年真係犯太歲！楊潤雄係1963年出世，屬兔，而林世雄係1961年出世，屬牛。話說犯太歲其實唔一定係壞事，反而係一個提醒，叫你今年要更小心做人做事啫。

屬牛刑太歲，通常代表可能會面對同事不和或者上司批評，甚至會有啲人事問題出現；至於屬兔值太歲，則係全年都可能有大嘅人生變動，職場或者生活上都可能遇到挑戰，甚至有危機感，真係唔容易過！

唔知佢哋年頭有冇去攝太歲喇？其實攝太歲係一個好簡單又傳統嘅方法，可以平衡犯太歲帶嚟嘅負能量，幫助穩定運勢。而且，犯太歲嘅生肖唔止兔同牛，仲有龍同狗！咁所以，大家如果係犯太歲嘅朋友，記得要喺冬至之前去還太歲，咁樣先可以為來年鋪好條路！

放心，我之後會有片入面教大家點樣還太歲，記得留意呀！最緊要係記住，犯太歲唔係世界末日，關鍵係點樣去‘逢凶化吉’、‘轉危為安’！✨希望大家都可以平安過渡餘下嘅龍年啦！🎉」