🎥 2025犯太歲生肖必學！3招保運秘訣 🎥
- Salim Rumjahn
- Dec 24, 2024
- 4 min read
2025年就嚟到啦，蛇年有4個犯太歲的生肖，分別有屬蛇🐍、猴🐒、豬🐖、虎🐅嘅生肖的朋友，記得留意！無論你係本命年值太歲、刑太歲、沖太歲、害太歲定破太歲，都可能會影響你嘅事業、感情、財運甚至健康。無需太擔心，我同大家分享3招簡單易用嘅保運秘訣，幫你穩住2025年嘅運勢，轉危為機！即刻開始啦！✨
🎯 犯太歲嘅5種影響分析！你屬於邊一種？
喺2025年犯太歲嘅生肖朋友，首先要知道你屬於邊一種犯太歲，因為每種犯太歲嘅影響都唔一樣，應對方法當然亦有分別啦！
以下係簡單解釋：
1️⃣ 值太歲（蛇）：
今年係本命年，屬於值太歲年份，容易喺事業、家庭、愛情、婚姻上出現轉折。
個人情緒不穩，可能對壓力特別敏感，容易悲觀。
合作上可能有人事問題，建議凡事冷靜處理。
2️⃣ 沖太歲（豬）：
「沖」代表變動，可能會遇到突如其來嘅挑戰，例如搬屋、轉工，甚至人際關係出現裂痕。容易有變無或無變有，所以未必一定是不好的事，例如無工作，可能會變為有工返。
但財運都容易波動，可能有意外開支或者財物損失。
3️⃣ 刑太歲（猴、虎）：
代表法律糾紛、口舌是非，甚至有可能被人出賣，導致破財或者損失。
虎嘅朋友仲有「害太歲」，容易吃力不討好，付出得唔償失，需特別留意有無小人。今年的刑太歲對猴及虎生肖影響特別大，因為虎蛇猴即寅巳申的組合為無思之刑，無恩就是無恩無義，沒有情誼，不講情誼，恩將仇報，以怨報德。所以今年要特別注要與別人合作事上。
4️⃣ 破太歲（猴）：
今年可能會面臨破財、破損或者人際關係破裂嘅情況，事業受影響機會較高。
明白自己屬於邊種犯太歲之後，記得對症下藥，以下3招保運秘訣就有機會幫到你啦！
📌 第一招：主動應事，化解太歲影響
犯太歲有時候就好似生活中嘅「警示燈」，提醒你要主動應對可能出現嘅挑戰。主動出擊，反而可以將壞事化解成好事！
屬沖太歲：主動變動
如果你本來就諗住搬屋或者轉工，咁今年就係一個好機會！好似搬屋，雖然會增加開支，但亦可以主動化解沖太歲嘅影響，令變動變成正面的改變。
屬猴及虎刑太歲：主動損錢或者損血
刑太歲容易有破財或者受傷，例如去紅十字會捐血、驗身或者捐錢俾同血疾病相關的慈善機構，損少少錢去換取全年平安，記得要慈善機構開立你名字的收據才有效果，呢招真係必須去用嘅高招！
屬蛇值太歲：調整情緒
值太歲的朋友情緒容易波動，建議主動參加瑜伽、冥想等活動，幫助穩定心情，減低負面能量帶來的影響。
📌 第二招：調整家居風水去穩住運勢
風水是調整運勢的重要一環，特別是犯太歲的年份，更加要留意家居內的氣場。2025年二黑病符同五黃煞位分別落在東北及正中位，呢兩個方位特別需要注意！
中宮方係2025年的二黑病符位，如果你家中廁所或廚房剛好在呢個位置，建議放置白玉石葫蘆及泥種植物，幫助化解病氣。
五黃煞位（東北方）：
五黃煞係大凶方位，如果家中的大門或者睡床在呢度，建議放置白玉如意，減低負能量影響。
想提升整體運勢：
可以喺家中嘅財位擺放綠色植物或者水晶裝飾，幫助提升財運，對抗犯太歲的影響。
📌 第三招：拜太歲，尋求保護
最後一招就係傳統又有效的拜太歲！每年立春之後，都可以去唔同各廟宇進行拜太歲儀式，建議犯太歲的朋友必須去做，以求穩定全年運勢。
拜太歲的步驟：
向斗姥元君參拜，之後再向當年「值年太歲」（2025年係乙巳太歲）表達感謝，再到自己的太歲等，祈求保佑。
記得在冬至前進行還太歲儀式，感謝太歲一年以來的庇護，為來年鋪好運勢的基礎。
不過，想唔想知我哋的拜太歲秘訣，想呢？：
犯太歲嘅朋友，在拜太歲時可以加多一個步驟，參拜自己八字入面的四柱太歲（即是年月日時的太歲），感謝太歲幫助，效果會更加顯著，詳情可以看返之前的還太歲的片！
🎥 2025年犯太歲唔一定是壞事！
犯太歲其實唔一定係壞事，反而可能係一個提醒，叫你更加小心應對唔同的挑戰，並學識主動化解危機。假如你屬蛇、猴、豬、虎，記得參考今日分享3招保運秘訣：主動應事、調整家居風水、拜太歲，幫你穩定運勢，順利過渡2025年！
如果你想更深入了解玄學知識，記得Subscribe！
